Որսորդն եւ կաքաւն
Որսորդը կալաւ կաքաւ մի եւ կամէր զենուլ: Եւ ասէ կաքաւն.
— Մի՛ սպանանէր զիս, զի ես խաբեցից զբազում կաքաւս ու ածից յականատս քո:
Եւ ասէ որսորդն.
— Այժմ ստուգիւ մեռցիս ի ձեռաց իմոց, զի զսիրելիս եւ զազգականս քո մատնես ի մահ:
Բառարան
կալաւ — բռնեց
զենուլ — մորթել
ասէ — ասում է
զիս — ինձ
զի — որ, թե, որովհետև, որպեսզի
խաբեցից — խաբեմ, կխաբեմ, պիտի խաբեմ, խաբելու եմ
ածից — բերեմ, կբերեմ, պիտի բերեմ, բերելու եմ
ականատ — թակարդ
յականատ — (դեպի) թակարդները, թակարդներում
ստուգիւ — ստուգապես, իսկապես
մեռցիս — մեռնես, կմեռնես, պիտի մեռնես, մեռնելու ես
ի ձեռաց — ձեռքից
զսիրելիս — սիրելիներին
զազգականս — ազգականներին
մատնես — մատնում ես
ի մահ — մահվան
Հարցեր և առաջադրանքներ
Ճիշտ կարդա հետևյալ բառերը.
զբազում, զսիրելիս, յականատս:
Աշխարհաբար դարձրու հետևյալ բառերն ու բառակապակցությունները.
կաքաւ մի- մի կաքավ
մի՛ սպանաներ-մի՛ սպանիր
զբազում կաքաւս- շատ կաքավներ
յականատս քո- քո թակարդները
ի ձեռաց իմոց-իմ ձեռքից
զսիրելիս եւ զազգականս քո-քո սիրելիներին և ազգականներին
Արտագրիր այս հարցերի պատասխանները.
Ի՞նչ բռնեց որսորդը:
Որսորդը կալաւ կաքաւ մի:
Կաքավն ի՞նչ խոստացավ որսորդին:
- Մի՛ սպանանէր զիս, զի ես խաբեցից զբազում կաքաւս ու ածից յականատս քո:
Կաքավի խոստմանն ի՞նչ վերաբերմունք ցույց տվեց որսորդը:
— Այժմ ստուգիւ մեռցիս ի ձեռաց իմոց, զի զսիրելիս եւ զազգականս քո մատնես ի մահ:
Առակն աշխարհաբար դարձրու:
Որսորդը և կաքավը
Որսորդը մի կաքավ բռնեց և ուզում էր մորթել: Եվ կաքավն ասաց.
— Մի՛ սպանիր ինձ, քանի որ ես կխաբեմ շատ կաքավների ու քո թակարդը կգցեմ:
Եվ որսորդն ասաց.
— Այժմ կսպանեմ քեզ իմ ձեռքով, քանի որ սիրելիներիդ ու ազգականներիդ մատնում ես մահվան:
Ինչպիսի՞ն է կաքավը (բնութագրիր կաքավին):
Կաքավը եսասեր էր, քանի որ իրեն փրկելու նպատակով պատրաստ էր դավաճանել իր սիրելիներին ու ազգականներին:
Ինչ է ցույց տալիս առակը:
Երբեք մի՛ դավաճանիր սիրելիներիդ ու ազգականներիդ սեփական կաշիդ փրկելու համար:
Մարգարյան Գեղամ 