1.Մի ուղղու վրա չգտնվող որևէ երեք կետ միացրած իրար հատվածներով անվանում ենք եռանկյուն:

Եռանկյան բոլոր կողմերի գումարը կոչվում է պարագիծ:

2. Եթե երկու եռանկյուններ հավասար են, ապա նրանցից մեկի կողմերը և անկյունները, համապատասխանաբար հավասար են մյուս եռանկյան կողմերին և անկյուններին:

3. Յուրաքանչյուր պնդում, որի ճշմարիտ լինելը հաստատվում է դատողությունների միջոցով, մաթեմատիկայում անվանում են թեորեմ: Իսկ այդպիսի դատողությունների ներկայացումը կոչվում է թեորեմի ապացուցում:

4. Եթե մի եռանկյան երկու կողմերը և դրանց կազմած անկյունը համապատասխանաբար հավասար են մյուս եռանկյան երկու կողմերին և դրանց կազմած անկյանը, ապա այդպիսի եռանկյունները հավասար են:

5. Դիտարկենք a ուղիղը և նրա վրա չգտնվող A կետը: A կետը և a ուղղի H կետը միացնենք հատվածով: Եթե a և AH ուղիղները փոխուղղահայաց են, ապա AH հատվածը կոչվում է A կետից a ուղղին տարված ուղղահայաց: H կետը կոչվում է ուղղահայացի հիմք:

Գրում են այսպես՝ AH⊥a:

6.Ուղղի վրա չգտնվող կետից այդ ուղղին կարելի է տանել ուղղահայաց, ընդ որում՝ միայն մեկը:

7. Եռանկյան գագաթը հանդիպակաց կողմի միջնակետին միացնող հատվածը կոչվում է եռանկյան միջնագիծ: Յուրաքանչյուր եռանկյուն ունի 3 միջնագիծ:

8.Եռանկյան անկյան կիսորդի այն հատվածը, որ միացնում է գագաթն ու նրա հանդիպակաց կողմի կետը, կոչվում է եռանկյան կիսորդ: Յուրաքանչյուր եռանկյուն ունի 3 կիսորդ:

9.Եռանկյան գագաթից հանդիպակաց կողմն ընդգրկող ուղղին տարված ուղղահայացը կոչվում է եռանկյան բարձրություն: Յուրաքանչյուր եռանկյուն ունի 3 բարձրություն:

10. Եռանկյունը կոչվում է հավասարասրուն, եթե նրա երկու կողմերը հավասար են: Հավասար կողմերը կոչվում են սրունքներ, երրորդ կողմը` հիմք:

11.Եռանկյունը, որի բոլոր կողմերը հավասար են, կոչվում է հավասարակողմ եռանկյուն:

13. Հավասարասրուն եռանկյան հիմքին տարված միջնագիծը նաև կիսորդ է և բարձրություն:

14. Եթե մի եռանկյան կողմն ու նրան առընթեր երկու անկյունները համապատասխանաբար հավասար են մյուս եռանկյան կողմին և նրան առընթեր երկու անկյուններին, ապա այդպիսիս եռանկյունները հավասար են:

15.Եթե մի եռանկյան երեք կողմերը հավասար են մյուս եռանկյան երեք կողմերին, ապա այդպիսի եռանկյունները հավասար են: